მეცხრე დღის რეფლექსია

         დღეს არის ძალიან მნიშვნელოვანი ტრენინგის ბოლო დღე. დასრულებული სასწავლო პროექტის გეგმა ავტვირთეთ ბლოგზე და მოვახდინეთ თითოეული პრეზენტაციის განხილვა-გაანალიზება.შევავსეთ შეფასების ფორმები, სადაც ჩავწერეთ გამომსვლელის პროექტის 3 დადებითი ასპექტი და 2 ასპექტი გაუმჯობესებისათვის.
         ზოგადად ძალიან საჭირო, მნიშვნელოვანი და სასწავლო პროცესში გამოსაყენებელი ტრენინგი გავიარეთ, ვისწავლეთ სწორად პროექტის დაგეგვმა, შევქმენით საკუთარი პორტფოლიოები, სადაც ყველა საჭირო დოკუმენტი შევინახეთ, რასაც აქტიურად გამოვიყენებ პროექტის განმავლობაში.
          ძალიან კმაყოფილი ვარ ტრენინგით.უღრმესი მადლობა ჩვენს ტრენერს ქ-ნ ნინო კაჟაშვილს ასეთი დეტალური და ამომწურავი ინფორმაციისთვის.

პროექტის კვლევა

შეავსეთ კვლევის ფურცელი

მერვე დღის რეფლექსია

          დღეს გავეცანით ფასილიტაციას. Drive-ში შევქმენით ფასილიტაციის რესურსი - კვლევა, ჩვენი პროექტის ფარგლებში. ვისწავლეთ ბლოგზე გაჯეტების დამატება, მათ შორის საათის ჩასმა.
          კიდევ ერთხელ გადავხედეთ ჩვენს პორტფოლიოს და საბოლოო ცვლილებები შევიტანეთ მასში.
            ძალიან მნიშვნელოვანი მოდული იყო, რაც შემდგომი ინოვაციური მუშაობისთვის დამეხმარება.
            უღრმესი მადლობა ნინო კაჟაშვილს ასეთი დეტალური ინფორმაციისთვის.

მეშვიდე დღის რეფლექსია

დღევანდელი დღე ერთობ ნაყოფიერი იყო. 1განვიხილეთ მეექვსე მოდული. 2.გავაზიარეთ მოსწავლის სავარაუდო ნაშრომი და დავწერეთ კომენტარები 3.მეორე აქტივობის მიხედვით შევქმენით სასწავლო პროექტის დამხმარე 4.გავიგე როგორ ხდება დიფერენცირება და შევავსე ჩემი პროექტის შესაბამისად 5.განვიხილეთ გარდნერის პრეზენტაცია სწავლის მეთოდებთან დაკავშირებით. 6.ვისწავლეთ ბლოგზე ახალი "ფეიჯების" დამატება ძალიან დიდი მადლობა ნინოს

მეექვსე დღის რეფლექსია

დღეს განვიხილეთ მეხუთე მოდული, კომენტარები გავუკეთეთ სხვების პროექტებს.გავაკეთეთ მოსწავლის სავარაუდო ნაშრომის შეფასების რუბრიკა. როგორც ყოველთვის ძალიან საინტერესო და ნაყოფიერი დღე იყო

მეხუთე დღის რეფლექსია

დღეს ვისწავლეთ 1.საავტორო უფლებების მითითება
                                  2.youtobe-დან ვიდეოების გადმოწერა
                                  3.შევქმენით მოსწავლეთა სავარაუდო ნამუშევარი (Power Point-ში                                             პრეზენტაციის სახით, სლაიდ-შოუ)

კმაყოფილი ვარ დღევანდელი დღით, დიდი მადლობა ნინოს

საპროექტო იდეა

პროექტის იდეაა ქრისტიანულსა და მუსლიმურ სამყაროებს შორის შუა საუკუნეებში მომხდარი ერთ-ერთი უმნიშვნელოვანესი კონფლიქტი, რომელიც ჯვაროსანთა ომების სახელითაა ცნობილი. მოსწავლეები მოიძიებენ ინფორმაციას ჯვაროსნულ ლაშქრობებზე, გამოკვეთავენ ომების დაწყების მიზეზებს და მიზნებს. ყურადღებას გაამახვილებენ თუ რა მნიშვნელობა ჰქონდა საქართველოსთვის ამ ლაშქრობებს. შეაფასებენ შედეგებს.

მიმართულების მიმცემი საკვანძო კითხვები

პროექტი  "ჯვაროსნები და საქართველო".

 ზოგადი შეკითხვა: 1) რა გავლენას ახდენს რელიგია საზოგადოებაზე?

თემატური შეკითხვა: 1) რას ისახავდა მიზნად ჯვაროსნული ლაშქრობები?
                                         2) ჯვაროსნული ლაშქრობები  --  "საღვთო ომი ურწმუნოთა წინააღმდეგ თუ..........?

შინაარსობრივი შეკითხვა: 1)რა იყო ჯვაროსნული ლაშქრობების გამომწვევი მიზეზები?
                                                       2)რამ განაპირობა ჯვაროსნულ ომებში ქრისტიანთა თავდაპირველი წარმატებები?
                                                        3)რომელ ქართველ მეფეს სურდა ჯვაროსნულ ლაშქრობებში მონაწილეობის მიღება?
                                                        4)რამდენი ჯვაროსანი იბრძოდა დიდგორის ომში ქართველთა მხარეს?

მეოთხე დღის რეფლექსია

           მეოთხე დღე კიდევ უფრო მნიშვნელოვანი და საინტერესო იყო. განვიხილეთ II მოდულის აქტივობა 3. შეფასების სხვადასხვა მეთოდი. შევქმენით მოსწავლეთა საჭიროებებზე მორგებული  სტრატეგიების შეფასების ინსტრუმენტები.
მოვამზადეთ პრეზენტაცია ჩემს სასწავლო პროექტზე და ავტვირთეთ ბლოგზე.

            კმაყოფილი ვარ ნასწავლი სიახლეებით.

პროექტის პრეზენტაცია